كوني صديقتها بقلم ميرال حصريه وجديده وكامله جميع الفصول

ال
علي عاشت الأسامي.. تفضلي خلينا نروح ع مكتبي و نحكي
أسيل بتلبك ما بدي عطلك دكتور 
علي انا عندي استراحة هلا بس اذا انتي عندك شي منقدر نأجلها لبعدين
أسيل لا و انا عندي استراحة
علي تمام.. يلا تفضلي
بتروح أسيل مع علي ع مكتبو و بيقعدو
علي قلتيلي انتي سنة تالتة ماهيك؟ 
أسيل بخجل اي دكتور
علي اممم و شو سؤالك؟
أسيل بتعطي دفترها لعلي و بتسألو السؤال و هوي بيبلش يشرحلها ياه
علي مهندس عمرو ٢٨ سنة و بيعطي بالجامعة طويل اسمر جسمو رياضي عيونو سود و شعرو أسود و دقنو خفيفة محددة.. شخصيتو قوية و الو هيبة بين طلاب الجامعة رغك صغر سنو و بنفس الوقت بيعامل الطلاب كأصدقاء و الكل بيحبو 
____
بتمر الأيام و أسيل عم تتواصل مع علي كل ما احتاجت شي و بيبلش علي ينعجب فيها و بتصرفاتها و بيقرر يحكي معها
بآخر يوم دوام بالفصل.. علي بيحكي مع أسيل بالجامعة و ييعترفلها بحقيقة مشاعرو و ييخبرها انو حابب يتعرف ع أهلها بس هيي ما بتعطيه جواب واضح و بتقلو انو بدها تفكر
بتروح أسيل بهداك اليوم لعند اختها ع البيت و بتخبرها شو صار معها
زينب بفرح الدكتور علي ما غيرو يلي خبرتيني عنو مرة؟ 
أسيل بخجل اي أختي هوي
زينب بابتسامة و انتي ليه مزعوجة؟؟ لازم تفرحي لأنو حسب معلوماتي انتي كمان معجبة فيه
أسيل مو مزعوجة بس خجلانة و متلبكة من هالموضوع يعني هوي فوراً قلي بدي اتعرف ع أهلك و انا لسا ما بعرف كيف بدي افتح الموضوع معهن
زينب لك أسيل صار عمرك ٢١ سنة و لسا ما بتعرفي تحكي مع أهلك بموضوع خاص فيكي؟! ليه هيك أختي؟ والله أهلك ما بيخوفو ولا بيخجلو
أسيل لأني ما تعودت من صغري ع هالشي يعني ما بتذكر اني بيوم من الأيام حكيت مع أمي بموضوع بيخصني
زينب هي اجتك فرصة.. استغليها و تقربي من أهلك
أسيل لااا ما فيي والله بخجل احكي معهن.. الله يخليكي زينب خبريهن انتي و شوفي رأيهن بالموضوع
زينب انا بدي خبرهن؟!! 
أسيل اي اي الله يخليكي أختي
زينب خلص خلص لا تنقي.. المسا بمر لعندكن و بحكي معهن
أسيل بابتسامة الله يخليلي ياكي
المسا بتروح زينب لبيت أهلها و بتحكي مع أمها و أبوها بموضوع أسيل و علي و هني بيوافقو و ييقولو لأسيل انها صارت واعية و بتقدر تعمل يلي بتلاقيه مناسب و أنو اذا حابة تتعرف ع علي بالأول و بعدين يتعرق عليهن ما عندهن مشكلة
و فعلاً أسيل بتخبر علي أنها حابة تتعرف عليه و بيصيرو يحكو و يطلعو مشاوير و بيضلو ع هالحالة ٦ شهور و بعدها بيتعرف علي ع أهل أسيل و بيتفقو انو تكون الخطبة لما تتخرج أسيل
____
بعد مرور سنتين ونص  
علي و أسيل ماشيين ع الساحل و ماسكين ايدين بعض و عم يحكو و يضحكو.. بيلتقو بكرم و بيقرب لعند أسيل بيسلم عليها
كرم مرحبا.. كيفك أسيل
أسيل اهلين كرم بتطلع بعلي كرم صديق قديم و ابن جيراننا بتطلع بكرم علي خطيبي
كرم بيسلم ع علي تشرفت بمعرفتك
علي الشرف الي
كرم مبروك التخرج و الخطبة.. انا كنت مسافر و أهلي خبروني و كتير فرحتلك
أسيل الله يبارك فيك.. شكراً الك
كرم مارح عطلكن اكتر.. بالاذن
أسيل و علي اذنك معك
بيروح كرم و بيكملو أسيل و علي مشي
علي مين هاد حبيبتي؟ 
أسيل كان صديق غالي كتير
علي و هلا؟ 
أسيل ابن جيراني
علي و السبب؟ 
أسيل دخل شي بيشبه الحب بيناتنا و خرب صداقتنا كلها
علي حب من طرف واحد؟ 
أسيل لا هوي مو حب.. كان عبارة عن تعود و تعلق مو أكتر و هالحكي من لما كان عمري ١٥ سنة
علي بس التعود و التعلق جزء من الحب
أسيل و انت قلتها هني جزء فقط يعني لسا فيه كتير شغلات بدها تنوجد ليصير حب و يلي صار معي انا و كرم انو كنا متعودين ع بعض و فكرنا انو هاد هوي الحب و ارتبطنا بس ما بقينا الا كم شهر و انفصلنا لأني اكتشفت انو لا هوي حبني ولا انا حبيتو
علي كيف اكتشفتي؟ 
أسيل بابتسامة خجل لما حبيتك و عرفت الحب معك عرفت انو انت أول حب عشتو
علي بابتسامة يسلملي قلبك شو بحبك 
أسيل بتوقف و بتطلع بعيون علي بتعرف ليه خبرتك عن كرم؟ لأني بعرفك واعي و متفهم و كنت متأكدة أنك رح تفهمني مع إني اذا بقول لحدا اني خبرتك رح يقولو عني غبية
علي هلا اذا البنت كانت صريحة مع خطيبها بتصير غبية؟ 
أسيل بنظر أغلب الناس طبعاً لأنو ما بيصير الشب يعرف شي عن ماضي البنت
علي انا ما بيهمني كل الماضي.. أساساً ماحدا مننا و ما عاش تجربة فاشلة
أسيل بس هي التجربة هيي يلي بتوعينا يعني مثلاً انا كان عمري ١٥ سنة لما عشت هالتجربة بس بعدها حسيت حالي صرت أقوى و أوعى بكتير رغم كل المشاكل يلي واجهتها بهديك الفترة
علي مشاكل شو؟ قصدك مع كرم؟ 
أسيل لا مع أهلي.. بهديك الفترة كنت كتير بعيدة عن أهلي و يمكن لهلا لساتني بعيدة بس مو متل قبل 
علي شو السبب؟
أسيل ما بعرف يمكن ماما ما عرفت تتعامل مع طبعي الكتوم و تقربني منها لهيك صرت كتومة زيادة و ما خبرهن شو بيصير معي و هالشي عمل فجوة كبيرة بيناتنا بتصدق اذا بقلك إني عشت كل تفاصيلي الخاصة لحالي و مشيت خطوتي الأولى بكل مراحل حياتي لحالي.. أبسط مثال إني لما بلشت أهتم بحالي كصبية و حط مكياج ماما ما كانت جنبي و انا لحالي تعلمت
علي بتحطي اللوم ع أمك؟ 
أسيل بابتسامة لا ما بحط اللوم ع حدا بس علاقتي بأهلي علمتني درس مهم.. علمتني انو لما تجيني بنت رح كون صديقتها قبل ما كون أمها و رح امشي معها خطوة خطوة و اسمع مشاكلها بدون ملل.. رح علمها تلجأ الي لما تضعف.. رح كون جنبها كرمال ما تحتاج تشكي همها لصديق
علي بيمسك وجه أسيل بأيديه و انا واثق أنك رح تكوني أحلى أم بهالدني
أسيل بخجل الله يخليلي ياك
علي بيبوس أسيل من جبينها و بيضمها و يخليلي ياكي و لا يحرمني من قلبك الحنون
_______
لكل أم  
كوني صديقة بناتك ولا تميزي أو تفرقي بيناتهن حتى لو كان بكلمة
اكسري حاجز الخوف بينك و بين بنتك و خليها تحكيلك كل شي بيصير معها و كوني حنونة عليها و بنفس الوقت انصحيها بجدية
لا تعاملي بنتك بقسوة و لا تهملي تفاصيلها الخاصة و عوديها تشكيلك همومها من صغرها كرمال ما تلجأ لغيرك و تبعد عنك
لكل بنت 
كوني صديقة أمك لأنو هيي كنزك الحقيقي يلي ما الك غنى عنو
حطي ببالك أنو ماحدا بهالدني كلها رح يفهمك متل أمك و أبوكي.. لا صديقة ولا صديق ولا حبيب
عيشي حياتك بسعادة و ما تسمحي لحدا يزعلك و أي شي بيصير معك خبري أمك فيه لأنو هيي الوحيدة يلي رح تساعدك بدون مقابل
أوقات الأمهات بيقسو ع أولادهن بس هاد الشي بيكون لمصلتحهن أكيد
ملاحظة الهدف من القصة مو الحب و الارتباط.. الهدف نركز ع علاقة الأم ببناتها و كيف ممكن يأثر هالشي ع حياة البنت خصوصي بفترة المراهقة
انتهت