رواية لحظات منسيه الفصل الرابع حصريه وجديده
صوت والدها طالبا منها الإنصراف ....
والد نورا يلا بينا إحنا يا نورا ...؟!!!!
نورا ماشى يا بابا ....
شقه والد ياسر ....
إستقبلته أمه بإشتياق ولهفه ودموع ليلتفوا جميعًا سعداء بلم شملهم ف سفر ياسر أثر بهم بشكل كبير فهو إبنهم البِكر ولم يعتادوا على فُرقَتَهم تلك ...
ام ياسر مش كفاية بقى سفر وتقعد فى مصر بقى ...؟!!
ياسر هو أنا لسه خلصت دراستى يا ماما ...
ام ياسر ما إنتَ بتوحشني أوى ...
ياسر والله وإنتوا أكتر بس ح نعمل إيه .. البعثة دى فرصة مكنش ينفع أسيبها تروح منى أبدًا ...
ام ياسر خلاص يبقى تخلص دراستك دى وتيجى على طول ...
ياسر حاضر يا ماما ... أُمال فين على أخويا ...؟؟؟!
سؤال بديهى سأله ياسر ومازالت الإبتسامه السعيدة تشق وجهه لكن لعثمه والدته قبل إجابتها أقلقته قليلاً حين أجابته ...
ام ياسر اااااا .... على .... ااااا ... راح يجيب خالتك واضحه وبنتها من المحطه .. جايين يقعدوا معانا اليومين دول ويحضروا الفرح ...
تلاشت ضحكته وتجَهمت ملامحه بقوة رغم إجابته بدبلوماسيه ...
ياسر أه ... وماله .. ينوروا ... طب أروح أنا أرتاح بقى لأنى منمتش من إمبارح وإعملى حسابك يا ماما أهل نورا عازمينا كلنا على العشا ...
ام ياسر على طول كدة ... طب وخالتك ح نسيبها لوحدها كدة هى وبنتها ...؟؟
والد ياسر ما ييجوا معانا يا ستى ح تعمليها مشكله ليه .. الناس مرحبين وكتر خيرهم يعنى ...
قالها والده يخفف من وطأة الأمر على ياسر رغم عدم إقتناعه بما يقول ...
ام ياسر إنتَ من دلوقتى ح تبقى فى صَفهُم .... ماشى ...
حرك ياسر رأسه بضيق فقد تناسى أن والدته لم تكن من محبذين هذه الزيجة إطلاقًا بسبب خالته هذه و إبنتها ....
لم يمر على عودة ولده إلا ساعات قليله وها هى أول المضايقات ، ليميل والد ياسر على أذن زوجته يهمس بضيق حتى لا يسمعه ولده ..
والد ياسر جرى إيه !!!! .. مش خِلصنا ولا ناويه تعكننى عليه فى فرحه كمان ؟!!!!!! ... وإيه إللى جايب أختك واضحه دلوقتى مش كانت ح تبوظ له خطوبته عزمتيها ليه فى الفرح ...؟!!!!!
ام ياسر يعنى إنتَ عايز أختى متحضرش فرح إبنى ؟!!!!!!!! ... إللى فات مات خلاص ... وهى مش ح تتدخل تانى وكل شئ نصيب ... هى وعدتنى بكدة ... دة غير إن حسناء مِتقدم لها عريس مُحترم .. يعنى كل حاجة خلصت خلاص ...
وقف والد ياسر بضيق قائلاً بتوجس قبل إنصرافه ..
والد ياسر ربنا يستر ...
ويبقى للأحداث بقيه ،،،
انتهى الفصل الرابع ،،،
قراءه ممتعه ،،،
رشا روميه ،،،
